قصيدة موصلية
أهلي الي بالغصب زوجوني
حمـــــيتي يــانـــــــاس عـــليِ مـاحـــــنونـي.............
ويــوميه تفرج اســنانه بفرجتي ومعـــجوني............وتكـره كـل الاغــاني بـــس تحــــب عــــودوني
وبنات احمـاي كلم يغاغون مني ويحـسدوني.............امــبور اتجمل لزوجــي واكـــــحل اعـــــيوني
اخــــبزلم كـــل خــــبزايِ امـــقد الطــــشت ..........يــــقلولولي اشــــقداتي هــــاي كنيــها حـــنوني
وانا اخـــبزلم واطــبخلم وامســـحلم عذبوني...........وهــيم ابــد مايـــرضون وفــوقـــاته يقــــــتلوني
لمـــن اســهغ معـاهم عالتلفــزيون يزيغـوني.........ولمــن اقـلم تسمـحولي دغـــوح انــام يصـخغوني
اعـــملـينه جــــاي أقـــلينـــه حـــب شــمــس...........
واذا انا بنـــت خـلي اتاخــر بقعـدتي الصــبح........يــشقوها لدشــداشــتي ومن عالتخـــت يســحلوني
ولمــن اقــــلم صــــباح الخــــير يلبســوني....... ومن اقلم يمعودين صباح الخير بالنشافي يضغبوني
ولمن يغوحون عالسرجخانه يسدون الباب عليِ... ويحبسوني وانا اجلب بيهم واتوسل يمعودين خذوني
وهيم يقلولي لا انت غدا ناخذكي على مدينةالالعاب يقشمروني .....واناعيبي اصدقم بس هيم يخدعوني
ولمن ينطـفي الوطني باليل ويشـــغل المولدة...... من تفقـــس الجوزي على ابو المـــولدة يبعـــثوني
وانــــا اقلــــــــــم مــا طــــيــــــق اغــــــــوح..... دني ليل واخــــاف من الكــليب لا يعــضعضـــوني
ويلتمون عليِ بنات احمايه ويشعفوني ويوقعوني بالاغض.ويدعكوني ويطلعوني عالطابق الثاني ويدعبلوني
وحـميتي تضحك من تغشعني اتكربس تضحك........... وتقــــلي اصـــمله اصـــمله ياعـــــــــيوني
وانا اقــــله عمــــيِ دحـــقي بناتك كسغوني........... وهــــــيه اتــقـــــلي لا بناتــــي اشــــعـــليهم
انــــــــت دســـــــتي عــــالصــابــــوني...........
هذي قصتي مع بيت احماي انتم عالحل دلوني... عليمن اعتب على زوجي الي قدام اموا كنينوا بنبوني
ولا على اهلي الي بالغصـــب زوجوني ....... يمعودين عالحل دلوني قبل لا اصيغ مجـــنوني!!!
ليست هناك تعليقات:
إرسال تعليق