الموسيقار محمد عبد الوهاب واغنية الحبيب المجهول ...............كلمات الشاعر حسين السيد الحان محمد عبد الوهاب
الحبيب المجهول اغنية عمرها 80 سنة
كلمات :الشاعر حسين السيد
الحان الموسيقار محمد عبد الوهاب
ياللي حياتي حتكمل بيك
مين انت ما اعرفش فين انت ما اعرفش
ما اعرفش امتى وفين حلاقيك
حبيبي ... حبيبي
انده عليك والليل مشغول بين الحبايب والخلان
ويطول ندايا وافضل اقول فين انت يا أملي سهران
أسمع صوتك بيكلمني والدنيا ساكته حواليَ
و المح نورك بيطمني وافضل اضمه بعنيه
حبيبي ... حبيبي
مين انت ياللي بتشاغل احلام شبابي بنور طيفك
مين انت ياللي بتقابل افكاري قبل ما اشوفك
من كتر فكري ما عاش وياك أغير عليك منه واداري
خايف يكون لي شريك في هواك حتى ولو كان افكاري
با حبيبي انا وياك روحي تتمنى لقاك
وحياتي ملك هواك مخلوقة وعايشه معاك
أنا روحك وانت قلبي واحنا الاثنين تايهين
أملين لو كانوا يتقابلوا ح يعيشوا اليوم بسنين
يا هل ترى الأيام ح تحقق الأحلام
والا تكون أوهام واتحققت في منام
وارجع انادي من طول سهادي
مين انت ما اعرفش فين انت ما اعرفش
ما اعرفش امتى وفين حلاقيك
حبيبي حبيبي
ليست هناك تعليقات:
إرسال تعليق